माओवादी सत्तामा पुगेलगत्तै राष्ट्रघाती सन्धिसम्झौताको चाङ लाग्न थाल्योः बादल

संबाददाता : ओम हमाल     प्रकाशित मिति: (२०७३ भाद्र १३, सोमबार) १९:५३

नेकपा (माओवादी केन्द्र) का नेता रामबहादुर थापा ‘बादल’ ले अहिले देश बाह्य हस्तक्षेपको दलदलमा परेको र पार्टी राष्ट्रिय मुद्दामा निर्णायक विन्दुमा रहेको बताएका छन् । विदेशीले सिधै आफैं नआई देशभित्रैबाट ‘दलाल’ खडा गरेर विकासोन्मुख मुलुकहरुमा शासनसत्ता चलाउँदै आइरहेको दाबी गर्दै उनले त्यस्ता त्यसलाई परास्त गर्नुको विकल्प पार्टीसँग नरहेको बताए ।

राजधानीको संवाद डबलीमा सोमबार पूर्वजनमुक्ति सेना नेपाल केन्द्रीय समितिले आयोजना गरेको ‘बहिर्गमित जनमुक्ति सेना र हाम्रो मुद्दा’ विषयक अन्तरक्रिया कार्यक्रममा बोल्दै नेता बादलले सरकारको नेतृत्व गरिरहँदा पनि माओवादी केन्द्रसामु राष्ट्रियताबारे लड्ने कि आत्मसमर्पण गर्ने ? भन्ने विषय मुख्य चुनौति बनेर देखा परेको उनले बताए ।
माओवादी केन्द्र सत्ताको नेतृत्वमा पुगेलगत्तै बाह्य शक्तिको स्वार्थमा राष्ट्रघाती सन्धिसम्झौताको चाङ लागेको तर्क गर्दै उनले भने ‘यो सबै राष्ट्रघाती, जनघाती परिस्थिति चिर्न सकिन्छ कि सकिँदैन ? पार्टीसामू ठूलो चुनौति आएको छ ।’

अर्को प्रसंगमा नेता बादलले काठमाडौं–तराई फाष्ट ट्रयाक, अपर कर्णाली र राष्ट्रिय सुरक्षामा विदेशी स्वार्थमा प्रस्तावहरु आइरहेको बताए । सत्ताको नेतत्व गरिरहेका माओवादी केन्द्रका प्रभावशाली नेता मानिने बादलले भने ‘हाम्रो पार्टी राष्ट्रियता, जनअधिकार र जनजीविकाको मुद्दामा मनोगत र विचलित भएको कुरा साँचो हो । यी विषय जनताका शत्रु हुन् । यो अवस्था चिर्न पार्टीले सरकारको नेतृत्व गरेको हो । कसैले भर्याङ हालिदिएर पुगेको होइन ।’
सरकारको नेतृत्वलाई माओवादी केन्द्रले अवसरमा बदल्न सक्नुको विकल्प नरहेको बताउँदै बादलले नेतृत्वलाई अवसरको रुपमा परिणत गर्न नसके देश अस्थिरतामा जाने खतरा रहेको औल्याए ।
उनले जनयुद्धमा तत्कालीन शाही सेनालाई चुनौती दिँदै राजतन्त्र हटाउन सफल थुप्रै जनमुक्ति सेनालाई अयोग्यको संज्ञा दिएर समायोजनबाट बाहिर पठाएर राज्यले अपराध गरेको बताए ।


(२०७३ भाद्र १३, सोमबार) १९:५३ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना