प्रलोभन, दबाब र धम्कीपछी वलात्कृत युवतीले सपरिवार गाउँ छाडिन्

संबाददाता : ओम हमाल     प्रकाशित मिति: (२०७५ आश्विन २५, बिहीबार) ०८:५६

बलात्कारमा संलग्नले पीडितलाई खेत र नगदको प्रलोभन देखाउँदै मिलापत्रका लागि बारम्बार दबाब र धम्की दिएपछी पीडित युवती गाउँ छाडेर परिवारसहित कपिलवस्तु सदरमुकाम तौलिहवा पुगेकी छिन ।

असोज १७ साँझ घरअगाडि धारामा भाँडा माझिरहेकी शिवराज नगरपालिकाकी ती युवतीलाई   स्थानीय रहेमान र जयफुल्ला गदीले खेतमा पुर्‍याएर करणी गरेको आरोप पिडित युवतीको छ l पीडितका अनुसार जयफुल्लाले मुख थुनेका थिए । मुखबाट हात छुट्नासाथ युवती चिच्याइन् । त्यो सुनेर युवतीकी दिदी घरबाहिर निस्केपछि उनीहरू भागेका थिए ।

प्रहरी प्रशासनले अझै मुख्य आरोपी पक्राउ गरेको छैन । ‘बरु विभिन्न किसिमका लोभ देखाइएको छ, गाउँघरका धेरै व्यक्ति फकाउन आइरहेका छन्,’ युवतीले भनिन् ।

आरोपीका काकाले २ बिघा खेत र ५ लाख नगद दिने प्रस्ताव गरेर मिलापत्रका लागि दबाब दिएको पीडितकी आमाले बताइन् । ‘पहिलोपटक मैले हप्काएर पठाएँ,’ उनले भनिन्, ‘हामी चाहन्छौं, जे गर्छ कानुनले गर्छ ।’

उनले आफूहरूलाई बारम्बार धम्की दिने गरिएको बताइन् । पीडित धेरै डराएका छन् । अहिलेसम्म आरोपी पक्राउ नपर्दा त्रास बढेकाले ‘अल्लाह’ को नाम जप्दै बस्न बाध्य भएको पीडित युवतीले बताइन् । परिवारमा पुरुष छैनन् ।

युवतीका दुई दाजु रोजगारीका लागि विदेशमा छन् । दिदीको विवाह भइसकेको छ । बुवाको १५ वर्षअघि मृत्यु भएको थियो । घरमा युवती र आमा मात्र बस्छन् । ‘जस्तोसुकै परोस्,’ उनले भनिन्, ‘धन सम्पत्तिसँग इज्जत साटदिनँ ।’ समाज र सरकारबाट न्याय पाउने आशा राखेको उनले बताइन् ।

आरोपी पक्राउको माग राख्दै सदरमुकाम आइपुगेका पीडित युवती र उनकी आमाले बुर्का भित्रबाटै आफ्नो पीडा सञ्चारकर्मीसामु सुनाए । खेतमा पुर्‍याएर अस्मिता लुटिँदासमेत गाउँले कोही नबोलेको उनीहरूको दुखेसो छ । उनीहरूका अनुसार आरोपी ‘हुने खाने’ परिवारका हुन् । गाउँभरि उनीहरूले भनेकै चल्छ । वडाध्यक्ष र गाउँका अगुवा पनि पत्रकार सम्मेलनमा सहभागी थिए । उनीहरूले पीडितले न्याय पाउनुपर्ने बताए पनि आफूलाई सार्वजनिक नगर्न आग्रह गरे । ‘हामी सबै कुरा भन्छौं, तर नाम नलेख्नुहोला,’ ती वडाध्यक्षले भने, ‘सबै मिलाउनुपर्छ ।’

बलात्कृत युवतीको वैशाखमा विवाह गर्ने तय भएको थियो । घटनाको जानकारी केटा पक्षको घरसम्म पुगिसक्यो । ‘विवाह रद्द गरिएको खबर पठाएकाले छाँगाबाट खसेझैं भएकी छु,’ पीडितकी आमाले भनिन्, ‘मानसिक तनावले निद्रा लाग्दैन ।’ प्रहरीले दोषी उम्किन नपाउने दाबी गरेको छ । ‘अपराधी उम्कन पाउँदैन,’ प्रहरी उपरीक्षक मनोज यादवले भने, ‘हामीले सबै सुरक्षा संयन्त्र परिचालन गरेका छौं ।’

वडा प्रहरी कार्यालय चन्द्रौटाका निरीक्षक महेश्वर उपाध्यायले आरोपित व्यक्ति सीमावती गाउँमा लुकेको शंकामा भारतीय प्रहरीसँग समन्वय भइरहेको बताए । बलात्कारमा सहयोगीको आरोप लागेका जयफुल्ला शुक्रबार पक्राउ परेका छन्।


(२०७५ आश्विन २५, बिहीबार) ०८:५६ मा प्रकाशित

°
Weather from OpenWeatherMap

मुख्य समाचार

सबै

फर्जी मुठभेड़मा पांच विद्यार्थी नेताको हत्या गर्ने सेनाका मेजर जनरलसहित सात जनालाई जन्मकैदको सजाय

भारतको आसाममा एक फर्जी मुठभेड़ (फेक इन्काउन्टर) को मामलामा सेनाका तीन अधिकारी र चार सैनिकलाई जन्मकैदको सजायँ सुनाइएको छ । सजायँ पाउनेमा भारतीय सेनाका पूर्व मेजर जनरल एके लाल, दुई कर्नल र सात सैनिक समावेश छन्.....

मध्यरात पोखरामा बेवारिशे अशक्त महिला वलात्कृत, वलात्कार गर्ने को ?

पोखराको सडकमा बेवारिसे अशक्त महिलालाई बलात्कार गरिरहेका एक पुरुषलाई प्रहरीले सोमबार मध्यरात रंगेहात पक्राउ गरेको छ । हाल वडा प्रहरी कार्यालय बैदाम पोखराको हिरासतमा रहेका.....

वडाध्यक्ष भट्टराईको खुकुरी प्रहारबाट पत्रकार पिबी गम्भीर घाइते, दोषी वडाध्यक्षलाई कडा कानुनी कारवाहीको माग

प्युठान जिल्लाको स्वर्गद्वारी नगरपालिका वडा नं. ७ का वडाध्यक्ष टेक बहादुर भट्टराईको आकमणमा परी सख्त घाइते भएका पत्रकार केन्द्रप्रकाश पिविलाई थप उपचारका लागि आज मध्ये राती नै लुम्बिनी.....

Exchange Rate

Nepali Patro