अख्तियार प्रमुख पोखरा आएकै दिन घुस रकमसहित मालपोत कार्यालयबाट दुई जना पक्राउ

संबाददाता : ओम हमाल     प्रकाशित मिति: (२०७५ आश्विन २४, बुधबार) ०७:०८

सेवाग्राहीसँग ५० हजार रुपैयाँ घुस लिँदालिँदै अख्तियार दुरुपयोग अनुसन्धान आयोग पोखरा कार्यालयले  जिल्ला मालपोत कार्यालय कास्कीका एक अधिकृतसहित दुई जनालाई पक्राउ गरेको छ । पक्राउ पर्नेमा कास्की मालपोतका अधिकृत खेमनारायण पौडेल र खरिदार सञ्जय शर्मा रहेका छन् l उनीहरुलाई  अख्तियारको टोलीले मंगलबार पौने ५ बजे मालपोत कार्यालयबाटै पक्राउ गरेको हो ।

जग्गा धितोबन्धक राख्न आएका सेवाग्राहीसँग उनीहरुले घूस लिएका थिए । छिटो काम गर्ने भन्दै ती कर्मचारीले सेवाग्राहीसँग घूस लिएको अख्तियार स्रोतले जनाएको छ ।

बैंकमा जग्गा धितो राख्न ढिला हुँदा ऋणदर बढ्ने भन्दै हतारिएका सेवाग्राहीको समस्या देखेर अत्तो थाप्दै कर्मचारीले घूस लिएका हुन् । ती कर्मचारीलाई अख्तियारले हिरासतमा राखेर अनुसन्धान अघि बढाएको छ ।

अख्तियार दुरुपयोग अनुसन्धान आयोगका प्रमुख आयुक्त नवीन घिमिरे मंगलबार पोखरा आइपुगेको बेला पोखरा कार्यालयले घूससहित मालपोत कर्मचारी समातेको संयोग जुरेको छ । पोखरा मासबारमा बन्न लागेको अख्तियारको प्रादेशिक कार्यालय भवनको बुधबार प्रमुख आयुक्तले शिलान्यास गर्दैछन् ।

तिनै अख्तियार प्रमुख घिमिरेले भ्रष्ट कर्मचारीलाई कारबाही गर्दा मालपोत र नापी कार्यालय खाली हुने बताएका थिए । अख्तियार प्रमुख घिमिरेको त्यही भनाईको खण्डन गर्दै भूमी व्यवस्था, सहकारी तथा गरिवी निवारण मन्त्री पद्या अर्यालले कार्यालय खाली भए नयाँ पदपुर्ति गर्ने चेतावनी दिएकी थिईन् । संयोग नै मान्नुपर्छ अख्तियार प्रमुख र मन्त्रीको दोहोरि चलेकै दिन कास्की मालपोतबाट कर्मचारी घुससहित पक्राउ परेका छन् ।


(२०७५ आश्विन २४, बुधबार) ०७:०८ मा प्रकाशित

°
Weather from OpenWeatherMap

मुख्य समाचार

सबै

फर्जी मुठभेड़मा पांच विद्यार्थी नेताको हत्या गर्ने सेनाका मेजर जनरलसहित सात जनालाई जन्मकैदको सजाय

भारतको आसाममा एक फर्जी मुठभेड़ (फेक इन्काउन्टर) को मामलामा सेनाका तीन अधिकारी र चार सैनिकलाई जन्मकैदको सजायँ सुनाइएको छ । सजायँ पाउनेमा भारतीय सेनाका पूर्व मेजर जनरल एके लाल, दुई कर्नल र सात सैनिक समावेश छन्.....

मध्यरात पोखरामा बेवारिशे अशक्त महिला वलात्कृत, वलात्कार गर्ने को ?

पोखराको सडकमा बेवारिसे अशक्त महिलालाई बलात्कार गरिरहेका एक पुरुषलाई प्रहरीले सोमबार मध्यरात रंगेहात पक्राउ गरेको छ । हाल वडा प्रहरी कार्यालय बैदाम पोखराको हिरासतमा रहेका.....

वडाध्यक्ष भट्टराईको खुकुरी प्रहारबाट पत्रकार पिबी गम्भीर घाइते, दोषी वडाध्यक्षलाई कडा कानुनी कारवाहीको माग

प्युठान जिल्लाको स्वर्गद्वारी नगरपालिका वडा नं. ७ का वडाध्यक्ष टेक बहादुर भट्टराईको आकमणमा परी सख्त घाइते भएका पत्रकार केन्द्रप्रकाश पिविलाई थप उपचारका लागि आज मध्ये राती नै लुम्बिनी.....

Exchange Rate

Nepali Patro