गाउँले कुट्ने प्रहरी हवलदार निलम्वित

संबाददाता : ओम हमाल     प्रकाशित मिति: (२०७५ भाद्र ४, सोमबार) १०:५८

सर्वसाधारण जनता कुट्ने प्रहरीका एक हवल्दार कारबाहीका क्रममा निलम्वनमा परेका छन्  l प्रहरीको कारवाहीमा पर्ने प्रहरी हवल्दार जिल्ला प्रहरी कार्यालय कालिकोटमा कार्यरत सुरेन्द्रराम परियार रहेका छन् ।

जिल्ला प्रहरी कार्यालयका सूचना अधिकारी प्रहरी  निरिक्षक निरक चौलागाईँका अनुसार नयाँ मुलुकी ऐनविपरित नागरिकलाई कुटपिट गरेको अभियोगमा परियार निलम्बनमा परेका हुन् । भदौ १ गते खाँडाचक्र नगरपालिका–१ निवासी गोविन्द दमाईलाई सामान्य विवादमा कुटपिट गरेको प्रहरी कार्यालयमा उजुरी परेपछि जिल्ला प्रहरी प्रमूख डिएसपी विनोद शर्माले परियारलाई निलम्वन गरेका हुन् ।


(२०७५ भाद्र ४, सोमबार) १०:५८ मा प्रकाशित

Exchange Rate

Nepali Patro