ट्रम्पले भने, ‘किम प्रतिभाशाली र आफ्नो देशलाई माया गर्ने मान्छे ।’, विश्वलाई काल्पनिक फिल्म हेरिरहेको भान भएको होला : किम

संबाददाता : ओम हमाल     प्रकाशित मिति: (२०७५ जेष्ठ २९, मंगलवार) १४:१३

उत्तर कोरियाका सर्वोच्च नेता किम जोङ उनलाई केहीबेर अघिसम्म क्रुर तानाशाह देख्ने संयुक्त राज्य अमेरिकाका रास्ट्रपति  डोनाल्ड ट्रम्पले उत्तर कोरियाका नेता किम जोङ उनलाई प्रतिभाशाली र आफ्नो देशको माया गर्ने नेता भनेर प्रशंशा गरेका छन् l मंगलबार सिंगापुरमा कोरियन प्रायद्वीपलाई आणविक हतियार मुक्त क्षेत्र बनाउन भएको ऐतिहासिक शिखर वार्ता पछि भएको बृहत् सम्झौता-पत्र हस्ताक्षर कार्यक्रममा बोल्दै अमेरिकी राष्ट्रपति डोनाल्ड ट्रम्पले उत्तर कोरियाका सर्वोच्च नेता किम जोङ उनको प्रशंशा गरेका हुन् ।  ट्रम्पले भने, “‘किम निकै प्रतिभाशाली रहेछन । किमले आफ्नो देशलाई निकै माया गर्दा रहेछन्।’

ट्रम्पले पत्रकारहरुको प्रश्नको जवाफ दिँदै किमलाई अमेरिका भ्रमणको निम्तो समेत दिने बताएका छन्। सम्झौतामा हस्ताक्षर गरेसँगै ट्रम्पले आणविक नि:शस्त्रीकरणको प्रक्रिया आफूले सोचेभन्दा चाँडै सुरु हुने प्रतिक्रिया दिएका छन्।

अमेरिकी राष्ट्रपति ट्रम्पले किमसँगको भेटवार्ता पछि ‘विशेष सम्बन्ध’ स्थापित भएको र यसले उत्तरसँगको अमेरिकाको सम्बन्ध पनि फरक ढंगबाट अगाडि बढ्ने बताए । ‘हामीले विश्वकै सबैभन्दा खतरनाक समस्यालाई अन्त्य गर्न सफल भएका छौं,’ ट्रम्पले भने, ‘यस उपलब्धीबाट विश्वका सबै मानिस धेरै खुशी हुने छन्।’

उता किमले भने ट्रम्पसँगको वार्ताका दृश्य विश्वले हेरिरहेको र उनीहरुलाई कुनै काल्पनिक फिल्मको दृश्य झैं लागिरहेको हुनसक्ने प्रतिक्रिया दिएका छन् । ‘यहाँसम्म आइपुग्न निकै कठिन थियो । धेरै बाधाअड्चन पनि थिए,’ किमले भने । यस्तै ट्रम्पले भने वार्ता निकै राम्रो ढंगमा अगाडि बढिरहेको प्रतिक्रिया दिएका छन् । ‘सबैले वार्ता नहुने अनुमान गरिरहेको भएपनि ऐतिहासिक शिखर वार्ता भएको र यो राम्रो दिशामा अगाडि बढिरहेको छ,’ ट्रम्पले भने ।

यी दुई नेताबीचको वार्ता निष्कर्षमा पुगे उत्तर-पूर्वी एशियामा स्थायी शान्ति बहाल हुने छ । सन् १९७२ मा अमेरिकी राष्ट्रपति रिचर्ड निक्सनले चीन भ्रमण गरेसँगै चीनमा आएको परिवर्तन झैं, ट्रम्प-किम वार्ताले पनि उत्तर कोरियामा परिवर्तन हुनसक्ने आंकलन भइरहेको छ ।
अहिले विश्वमै सबैभन्दा चर्चा भएको वार्ताका लागि दुई नेता सन्तोसा टापुमा स्थित क्यापिला होटलमा आ-आफ्ना लिमोजीनबाट ओर्लिँदा भने केही ‘नर्भस’ देखिएका थिए । तर दुईबीच भेट भएको केही क्षणमा नै दुवैजनाले केही सहज महसुस गरेको देख्न सकिन्थ्यो । उनीहरु दुवैजना मुस्कुराई रहेका थिए भने फोटोग्राफरको आग्रहमा पटकपटक हात पनि मिलाइरहेका थिए ।


(२०७५ जेष्ठ २९, मंगलवार) १४:१३ मा प्रकाशित

°
Weather from OpenWeatherMap

मुख्य समाचार

सबै

फर्जी मुठभेड़मा पांच विद्यार्थी नेताको हत्या गर्ने सेनाका मेजर जनरलसहित सात जनालाई जन्मकैदको सजाय

भारतको आसाममा एक फर्जी मुठभेड़ (फेक इन्काउन्टर) को मामलामा सेनाका तीन अधिकारी र चार सैनिकलाई जन्मकैदको सजायँ सुनाइएको छ । सजायँ पाउनेमा भारतीय सेनाका पूर्व मेजर जनरल एके लाल, दुई कर्नल र सात सैनिक समावेश छन्.....

मध्यरात पोखरामा बेवारिशे अशक्त महिला वलात्कृत, वलात्कार गर्ने को ?

पोखराको सडकमा बेवारिसे अशक्त महिलालाई बलात्कार गरिरहेका एक पुरुषलाई प्रहरीले सोमबार मध्यरात रंगेहात पक्राउ गरेको छ । हाल वडा प्रहरी कार्यालय बैदाम पोखराको हिरासतमा रहेका.....

वडाध्यक्ष भट्टराईको खुकुरी प्रहारबाट पत्रकार पिबी गम्भीर घाइते, दोषी वडाध्यक्षलाई कडा कानुनी कारवाहीको माग

प्युठान जिल्लाको स्वर्गद्वारी नगरपालिका वडा नं. ७ का वडाध्यक्ष टेक बहादुर भट्टराईको आकमणमा परी सख्त घाइते भएका पत्रकार केन्द्रप्रकाश पिविलाई थप उपचारका लागि आज मध्ये राती नै लुम्बिनी.....

Exchange Rate

Nepali Patro