छैठौं भूलभूला मेलाको तयारी पुरा

संबाददाता : ओम हमाल     प्रकाशित मिति: (२०७४ चैत्र २६, सोमबार) ११:१३

पोखरा लेखनाथ महानगरपालिका ३३, पुंंडिटार स्थित भूलभूला देवि मन्दिर संरक्षण समितिले तिन दिने छैठौं भूलभूला मेलाको तयारी लगभग पुरा भएको आयोजकले बताएको छ ।

बिगत ६ बर्षदेखी संगठित सस्थाको रुपमा रहेर नयाँ बर्षको अवसर पारी उक्त समितिले मेलाको आयोजना गर्दै आइरहेको थियो ।

पोखरा लेखनाथ महानगरपालिका ३३ ( साविक भरतपोखरी १ ) स्थित भूलभूला मन्दिर परिसरमा आयोजना गर्न लागिएको उक्त मेलामा भुलभुले बजारलाई व्यवस्थित बनाई पर्यटकीय क्षेत्रको रुपमा बिकशित बनाउन र लुकेका सस्कृतिको जगेर्ना गर्नका साथै त्यस क्षेत्रको संरक्षण सम्बर्धन गर्ने उद्देस्य सहित आयोजना गरिएको समितिका संयोजक मिलन थापाले बताउनुभयो ।

नयाँ बर्षको अवसरमा आयोजना गरिने मेला यहि चैत्र २९ गतेदेखि बैशाख १ गते सम्म रहने छ । मेलाका आकर्शकहरुमा गाउ तथा वडा स्तरीय भलिवल प्रतियोगिता, बिद्यालय स्तरीय नृत्य प्रतियोगिता, बिभिन्न आदिवासी, जनजातिको परम्परागत नाच, स्थानीय तथा राष्ट्रियस्तरका कलाकारहरुको लोकदोहोरी र हास्यव्यङ्ग्य, भजनकृतन, पञ्चेबाजाका साथ बार्षिक भूलाभुला पुजा लगायतका कार्यक्रमहरु रहने आयोजकको भनाई छ ।

यस्तै तिन दिने मेलामा हुने बिभिन्न कार्यक्रमहरु पनि क्रमश मिलाईएको छ । चैत्र २९ गते देखि सुरु हुने उक्त मेलामा मेलाको पहिलो दिन गाउँ तथा वडा स्तरीय भलिवल प्रतियोगिता हुने यस्तै दोश्रो दिन बिभिन्न साँस्कृतिक कार्यक्रमहरु रहने र बैशाख १ गते अर्थात तेस्रो दिन  बिध्यालय स्तरीय लोक नृत्य प्रतियोगिता रहने बताइएको छ ।


(२०७४ चैत्र २६, सोमबार) ११:१३ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना