रोज राणामाथि खुकुरी हान्ने मोटे र कटुन्जे पक्राउ

संबाददाता : ओम हमाल     प्रकाशित मिति: (२०७३ भाद्र १, बुधबार) ०४:५९

निर्माता रोज राणामाथि खुकुरी प्रहार गरेको आरोपमा प्रहरीले दुई जनालाई पक्राउ गरेको छ । रोजमाथि ३१ गते पुरानो बानेश्वरमा खुकुरी प्रहार भएको थियो । उनको अहिले उपचार चलिरहेको छ ।

राणामाथि खुकुरी प्रहार गरेको आरोपमा मोटे भन्ने विवेचन प्रजापति र कटुन्जे भन्ने सूर्य लामालाई पक्राउ गरेको छ । प्रहरीका अनुसार मोटे आक्रमणकारी हुुन् भने कटुन्जे सहयोगी थिए ।

मुख्य योजनाकार जोधा भन्ने रत्नबहादुर लामा भने फरार छन् । जोधा गुण्डा नाइके हुन् । रोज आफैं विगतमा विभिन्न कारोबार र गुण्डागर्दीमा संलग्न रहेका थिए । उनले पुरानो रिसिइबी साध्न रोजमाथि आक्रमणको योजना बनाएको प्रहरी अनुसन्धानबाट खुलेको छ ।

भारतमा बस्दै आएका जोधाले रोजमाथि अक्रमण गर्ने योजना पहिले नै बनाएका थिए । तीन महिना पहिले नै मोटेलाई सिलगुडी बोलाएर रोजमाथि आक्रमण गर्न भन्दै ५० हजार भारु पेस्की दिएका थिए । हालै नेपाल आएका उनले थप ३० हजार दिएका थिए । साथै काम सम्पन्न भएपछि ३० लाख दिने र भविश्यमा पनि सहयोग लिने बचन दिएको प्रहरी अनुसन्धानबाट खुलेको छ ।


(२०७३ भाद्र १, बुधबार) ०४:५९ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना