प्रदेश चार को सपथ ग्रहण समारोह सम्पन्न, दिपक मनाङ्गे अनुपस्थित

संबाददाता : रमाकान्त बास्तोला     प्रकाशित मिति: (२०७४ माघ ७, आईतवार) ०७:५४

प्रदेश नम्बर ४ को प्रदेश सभा सदस्यको सपथ ग्रहण समारोहमा प्रदेश सभा सदस्य दिपक मनाङ्गे अनुपस्थित भएका छन् । मनाङ्गे प्रदेश सभा चुनाव मनाङ्ग `ख´ बाट बिजयी भएका थिए ।
नेकपा एमालेले टिकट नदिएपछि उनि स्वतन्त्र उम्मेदवार बनेका थिए भने पछी एमालेकै समर्थनमा बिजयी भएका थिए । विजय भएपछि उनलाई पुनराबेदन अदालतको फैसलालाई सर्वोच अदालतले सदर गर्दै ज्यान मार्ने उध्योगमा पाँच बर्षको जेल सजाय सुनाएको थियो । तर प्रदेश सभा सदस्यको सपथ नलिदै उनि दोषी ठहर भएपनि उनको पद के हुने भन्ने टुंगो लागेको छैन ।

यस्तै प्रदेस चारका प्रदेस संसदहरुको सपथग्रहण समारोह पोखरा स्थित नगर बिकास प्रशिक्षण केन्द्रमा रहेको हलमा आयोजना गरिएको थियो । प्रदेश प्रमुख बाबुराम कुँवरले आइतवार बिहान पदभार गरेलगत्तै संसदहरुको सपथ ग्रहण कार्यक्रम गरिएको थियो । प्रदेश प्रमुखको कार्यालय पर्दी पोखरामा प्रदेश प्रमुख बाबुराम कुँवरले जेष्ठ सदस्य जनकलाल श्रेष्ठलाई शपथ ग्रहण गराएपछी श्रेष्ठले आजै प्रदेश नम्बर चारका प्रदेश सभा सदस्यलाई शपथ ग्रहण गराएका हुन् । प्रदेश ४ मा प्रत्यक्षतर्फ ३६ र समानुपातिकका २४ गरी ६० जना प्रदेशसभा छन् । प्रदेश प्रमुख बाबुराम कुँवरले प्रदेशसभाका ज्येष्ठ सदस्य जनकलाल श्रेष्ठलाई सपथ गराए । श्रेष्ठले प्रदेशसभाका बाँकी ५७ जना सांसदलाई सपथ खुवाएका हुन् । सपथ ग्रहण पश्चात संसदहरुले आफुले गरेको प्रतिबद्ता पुरा गर्नेमा जोड दिएका थिए ।
यस्तै समारोहमा उच्च सुरक्षा व्यवस्था तैनाथ गरिएको थियो भने केहि सिमित पत्रकारहरुलाई बाहेक कार्यक्रम हल भित्र प्रवेश गर्न दिइएको थिएन ।


(२०७४ माघ ७, आईतवार) ०७:५४ मा प्रकाशित

Exchange Rate

Nepali Patro