दक्षिण अफ्रिका पुर्याई मानव बेचबिखन गर्ने पक्राउ

संबाददाता : ओम हमाल     प्रकाशित मिति: (२०७४ पुष १७, सोमबार) ०९:२६

काठमाडौं–बिभिन्न प्रलोभन देखाएर दक्षिण अफ्रिकामा पु¥याई मानव बेचबिखन गर्ने एक व्यक्तिलाई प्रहरीले पक्राउ गरेको छ । मोरङको सुन्दरहरैंचा नगरपालिका–८ घर भई काठमाडौं चन्द्रागिरी नगरपालिका–१ बस्ने ३५ वर्षीय चित्रप्रसाद ढुङ्गेललाई प्रहरीले पक्राउ गरेको हो । उनलाई केन्द्रीय अनुसन्धान ब्यूरो महाराजगंजको टोलीले चन्द्रागिरीबाट पक्राउ गरेको हो ।
ढुङ्गेलले दक्षिण अफ्रिकाको जोहान्सबर्गमा राम्रो रोजगारी दिलाइदिने भन्दै प्रलोभनमा पारी बिभिन्न व्यक्तिहरुसँग प्रतिव्यक्ति ७ लाख भन्दा बढी रकम उठाई दक्षिण अफ्रिकामा अलपत्र पार्ने काम गरेको प्रहरीको प्रारम्भिक अनुसन्धाले देखाएको छ । अफ्रिकामा पीडितहरुलाई बिना पारिश्रमिक काम लगाएको तथा मानसिक तथा शारीरिक यातना समेत दिएकाले पीडितहरु भागेर नेपाल आएपछि ढुङगेलको धन्दाबारे पोल खुलेको हो । यस सम्बन्धमा प्रहरीले अन्य थप अनुसन्धान गरिरहेको जनाएको छ ।


(२०७४ पुष १७, सोमबार) ०९:२६ मा प्रकाशित

Exchange Rate

Nepali Patro