राजेश हमालका लागि ‘शकुन्तला’ कति महत्वपूर्ण ?

संबाददाता : ओम हमाल     प्रकाशित मिति: (२०७३ श्रावण २७, बिहीबार) १४:५२

आफ्नो २५ बर्ष लामो करिअरमा नायक राजेश हमालले कमै मात्र संझनलायक भूमिकामा काम गरेका छन् । राजेशले प्राय चलचित्रमा गरिब बनेर धनी खलपात्रलाई कुटेका छन् । निर्देशक दीनेश श्रेष्ठले राजेशलाई पहिलो पटक फरक भूमिकामा देखाउँदै चलचित्र ‘शकुन्तला’ बनाएका हुन् । यो चलचित्रमा राजेश हमालले सारी र ब्लाउज लगाएर खलपात्रसँग लडाई लडेका छन् । हमालको एक्सनको शैली उही नै छ, तर तरिका फरक ।

हमालले हरेक नारीको सम्मानका लागि भन्दै चलचित्रमा संवाद बोलेका छन् । हुनत, अहिले चलचित्रको प्रचारका लागि नायक हमाल सहभागी छैनन् । तर, भदौ १० गतेबाट रिलिज हुने यो चलचित्रको प्रचारमा हमाल सहभागी हुने दाबी यसका निर्माताको छ ।

चलचित्रमा उनको साथमा किशोर खतिवडा, अनु शाह, रविन्द्र बस्नेत लगायतका कलाकारको अभिनय छ । चलचित्रलाई महेश्वर खत्री र श्रृप्सा खत्रीले मिलेर बनाएका हुन् । दुबै निर्माता चलचित्र चल्नेमा ढुक्क छन् । कथावस्तु र प्रस्तुती नै उत्कृष्ट भएकाले चलचित्र चल्ने दाबी निर्माता खत्रीले गरे ।

हमालका कुनै पनि चलचित्र पछिल्ला केही बर्षयता चलेका छैनन् । यसैले यो चलचित्रको इनिसियल व्यापारमा उनको स्टारडम पनि महत्वपूर्ण रहनेछ ।

निर्देशक दिनेश श्रेष्ठ राजेश हमालको भूमिका दर्शकका लागि सरप्राइज हुने बताउँछन् । हिन्दु महिलाहरुको महान चाड हरितालिक तीजका अवसर पारेर रिलिज हुने भएकाले पनि यो चलचित्र हेर्न महिला दर्शक हलमा आउने उनको वुझाई छ । साथमा राजेश हमालका फ्यानका लागि पनि चलचित्र विशेष आकर्षणमा रहने दिनेशले दाबी गरेका छन् ।


(२०७३ श्रावण २७, बिहीबार) १४:५२ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना