लगानी नउठेपछि आलु किसान चिन्तित

संबाददाता : आश गुरुङ     प्रकाशित मिति: (२०७४ कार्तिक २९, बुधबार) ०५:१९

बाराका किसानले उन्नत जातको आलुको बीउ समयमा नपाउँदा लगानीअनुसारको उत्पादन नभएपछि चिन्तित बनेका छन् । परिवारको मुख्य आयस्रोतका रूपम रहेको तरकारी खेतीअन्तर्गत नगदे बालीका रूपमा रहको आलु खेतीबाट लगानीअनुसारको उत्पादन नभएपछि यहाँका किसान चिन्तित बनेका हुन् ।

जिल्ला कृषि विकास कार्यालय कलैया बाराले मौसमअनुसारको खेती गर्न किसानहरूलाई उन्नत जातको बीउ पु¥याउन नसकेको जिल्लाका सर्वसाधारण किसानले गुनासो गरेका छन् । अहिले कट्ठामा हाल ४÷५ क्विन्टल उब्जनी भइरहेको उन्नत जातको बीउ प्रयोग गरी ठीक समयमा खेती गरे उब्जनी बढेर प्रतिकट्ठाको ७÷८ क्विन्टलसम्म हुने स्थानीय कृषक सीताराम साहले बताए । यता बाराका किसानहरूले उन्नत जातका बीउको प्रयोग नगर्दा आलुको उत्पादकत्व घटेको जिल्ला कृषि विकास कार्यालय बाराले जनाएको छ । जिल्लाको ७ हजार ३० हेक्टर जमिनमा आलु खेती हुने गरेको यस जिल्लाका किसानले उन्नत जातको बीउ प्रयोग नगर्दा लगानीअनुसारको उत्पादन गर्न नसकेको जिल्ला कृषि विकास कार्यालय बारा प्रमुख शिवरत्न साहले बताए ।

उन्नत जातको बीउको प्रयोग नगर्नुका साथै डढुवा रोगका कारण किसानले लगानीअनुसारको आम्दानी लिन नसकेको उनको भनाइ छ । कृषकसमक्ष उन्नत जातको बीउ पु¥याउन प्री–बेसिक सिड अर्थात् मूल बीउ कृषकहरूलाई उपलब्ध गराउँदै आएको कार्यालय प्रमुख साहले बताए । बीउ कम भएकाले मागअनुसार किसानहरूलाई दिन नसकेको स्वीकार गर्दै प्रतिगोटा १८ रुपैयाँ पर्ने बीउ किसानलाई सहुलियत दरका उपलब्ध गराइएको उनले दाबी गरे ।


(२०७४ कार्तिक २९, बुधबार) ०५:१९ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना