‘मृत्युपछि पनि वरिपरिका क्रियाकलाप महसुस गर्न सकिन्छ’

संबाददाता : आश गुरुङ     प्रकाशित मिति: (२०७४ कार्तिक १२, आईतवार) १४:२६

एजेन्सी  । मृत्युपछि के हुन्छ भन्ने आजसम्म कसैले पत्ता लगाउन सकेको छैन । तर यससम्बन्धी वर्षौँ लगाएर अनुसन्धान गरिरहेको न्यूयोर्क युनिभर्सिटी स्कुल अफ मेडिसिनले नयाँ खुलासा गरेको छ ।

उनीहरुको टीमले लामो समयदेखि यसको अध्ययन गरिरहेको थियो । त्यसैक्रममा उनीहरुले मरेपछि पनि केही समयका लागि मृत मानिसले वरिपरि भइरहेका घटनाको आभास गर्न सक्ने उनीहरुले दाबी गरेका हुन् । डाक्टर सेम पर्नियाका अनुसार मृत्यु हुनासाथै मुटुको धड्कन रोकिन्छ र दिमागमा रगत पुग्न सक्दैन । तर कतिपय त्यस्ता घटना पनि फेला परेको जसमा मृत्युको केही समयसम्म मानिसले सबैकुरा महसुस गरिरहेको हुन्छ ।यस अनुसन्धानका लागि उनीहरुले हृदयघातका कारण मृत्यु भए लगत्तैका मानिसहरुको अध्ययन गरेका थिए । उनीहरुलाई मृत घोषित गरिसकेपछि पनि उनीहरु पछि जीउँदो भएका थिए । यस्तोमा तिनीहरुसँग गरिएको कुराकानी र अनुभूतिबाट यो कुरा साबित भएको अनुसन्धानकर्ताले बताए । चिकित्सकले आफैँ मृत घोषित गरिसकेता पनि उनीहरुले वरिपरि भइरहेका केही सटिक घटनाबारे बताउन सकेका थिए । मृत घोषित भइसकेकाले त्यस्तो अनुभव गर्नु असम्भव रहेको डाक्टर सेमले बताएका हुन् । यस्तै अनुसन्धानबाट उनको टिमले मृत्युपछि पनि केही बेर दिमाग र शरीरका कोषहरु सक्रिय रहने खुलासा गरेको हो ।

उता अर्को युनिभर्सिटीका वैज्ञानिकले भने मानिसको मृत्यु हुनासाथै दिमाग मर्ने बताएका दाबी गरेका छन् । उनका अनुसार दिमागमा एउटा विशेष तत्व हुन्छ जुन मानिसको मृत्यु हुनासाथै विनाश भइदिन्छ र मानिसको दिमागका सबै कोषहरु मर्छन् । त्यसैले उनले डाक्टर सेमको टिमले गरेको दावीमाथि प्रश्न उठाएका छन् ।


(२०७४ कार्तिक १२, आईतवार) १४:२६ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना