प्लाष्टिक पेलेर नेपालका वैज्ञानिकले निकाले डिजेल

संबाददाता : ओम हमाल     प्रकाशित मिति: (२०७४ कार्तिक ६, सोमबार) १०:५६

नेपालमा प्लास्टिकबाट डिजेल निकाल्ने प्रविधिको परीक्षण गरिएको छ  । नेपाल विज्ञान तथा प्रविधि प्रज्ञा प्रतिष्ठान (नाष्ट) द्वारा चितवनको भरतपुरमा प्लास्टिकबाट डिजेल निकालिएको हो ।  नाष्टले एक कार्यक्रमको अयोजना गर्दै प्लास्टिकलार्इ पेलेर डिजेल निकालिएको हो ।

नेपालले भारतबाट वार्षिक अर्बाैं डिजेल अायात गर्दै अएको छ ।चितवनमा आयोजित प्रदर्शनीमा नाष्टका वैज्ञानिकले एक किलो प्लाष्टिकबाट झण्डै ८ सय मिलिलिटर तेल निकालेका थिए । प्लाष्टिकजन्य फोहोर व्यवस्थापनका लागि समेत यो प्रभावकारी हुने नाष्टका वैज्ञानिक डा रविनप्रसाद ढकालले जानकारी दिए ।

यो प्रविधि विश्वका अन्य ६५ देशमा प्रयोग भइसकेको भएपनि नेपालमा यसको प्रयोग हुन सकेको छैन ।
यो पाइरोलाइसिस मेसिनमा एकतर्फको भागमा प्लास्टिक राखिन्छ । त्यसलाई अक्सिजन विहीन अवस्थामा ४५० डिग्री तापक्रममा तताएपछि बाफमा परिणत हुने र त्यसपछि अर्को भागमा फर्निस तेलको रुपमा पानीमाथी तैरिएर निस्कन्छ । त्यसलाई प्रशोधन गरेपछि डिजेलको रुपमा तयार हुने अनुसन्धानकर्ताहरुले बताए ।


(२०७४ कार्तिक ६, सोमबार) १०:५६ मा प्रकाशित

Exchange Rate

Nepali Patro