यसकारण तपाईंको कम्प्युटरमा जिमेल र यूट्युब ढिलो खुल्छ ?

संबाददाता : ओम हमाल     प्रकाशित मिति: (२०७४ भाद्र १६, शुक्रबार) ०४:०२

विगत केही हप्ता देखि नेपालमा गुगलको यूट्युब, जिमेल लगायतका एप्लिकेसन्स हरु ढिलो खुल्ने गरेको बारेमा धेरैको संख्यामा प्रयोगकर्ताहरुबाट गुनासाहरु आइरहेका छन् । यसरी गुगलका एप्लिकेसनहरु ढिला इन्टरनेट सेवा प्रदायक संघ नेपाल आइस्पानले घटना प्रति गम्भीर ध्यानकार्षण भएको बताउँदै स्पष्टिकरण दिएको छ ।

संघका अनुसार गुगलले विगत ४ बर्ष देखि आफ्नो एप्लिकेसन्स (जस्तै जिमेल र यूट्युब  को क्षमता सुधारका लागि नेपालको स्थानीय इनटरनेट सेवा प्रदायक कम्पनीहरुमा आफ्ना सरभर राखी रहेको थियो । तर हाल गुगल ले गरेको निर्णय अनुसार नेपालको आईएसपि कम्पनीहरुसँग अलग भएर  गुगलले नेपालमा आफ्नै नयाँ सरभर राख्ने तयारी गरेको छ ।

गुगलको यस निर्णयको कारणले यहाँका कम्पनीहरुमा राखिरहेको सरभरलाई विगत केही महिना देखि  गुगल ले स्तरोन्नोति गरेको छैन । यहि कारणले बढी प्रयोग हुने समयमा सरभरहरुको क्षमता अपुग भइरहेको संघको भनाई छ ।

‘इन्टरनेट सेवा प्रदायक कम्पनीहरुले गुगल लाई बारम्बार गरेको अनुरोधका बाबजुद पनि स्तरोन्नोति हुन सकेको छैन भने अर्काे तर्फ गुगलले आफनो सरभर राख्न पनि ढिलाई गरी रहेका छन्,’ संघले जनाएको छ ।

संघका अनुसार गुगलले आफनो सरभर स्तरोन्नोति नगरेसम्म नेपालका इन्टरनेट प्रयोगकर्ताहरुले गुगल का एप्लिकेसन्स  जिमेल, यूट्युब आदि ढिलो खुल्ने अवस्थाको सामना गर्न बाध्य हुनेछन् ।


(२०७४ भाद्र १६, शुक्रबार) ०४:०२ मा प्रकाशित

Exchange Rate

Nepali Patro