मदनकृष्ण श्रेष्ठको आत्मकथा ‘महको म’ भदौ २० मा सावर्जनिक हुँदै

संबाददाता : मोनिका गुरुङ     प्रकाशित मिति: (२०७४ असार २९, बिहीबार) ०९:०६

पोखरा/ प्रख्यात हास्यकलाकार जोडी महका मदनकृष्ण श्रेष्ठको आत्मकथा ‘महको म’ भदौ २० मा सावर्जनिक हुँदैछ । उक्त जानकारी झम्सिखेलस्थित मोक्ष रेष्टुरेन्टमा आयोजना गरिएको पत्रकार सम्मेलन मार्फत गरियो ।

श्रेष्ठ र प्रकाशक फाइनप्रिन्टका कार्यकारी अधिकृत नीरज भारीले पुस्तक करारमा हस्ताक्षर गरेर सुरु भएको उक्त कार्यक्रममा श्रेष्ठले भने, ‘म त साधारण मानिस । बेन्जामिन फ्र्याङ्लिन, अब्राहम लिङ्कन, महात्मा गान्धी, बीपी कोइरालाजस्तै मेरो कुनै ठूलो योगदान छैन, मेरा आत्मकथा कसले पढ्ला, मेरो जीवनमा त्यस्तो के उल्लेख्य होला भनेर सोच्थें । तर पछि साथीभाइको सल्लाह, प्रेरणा, दबाबले मैले लगभग ६ वर्ष अघि आफूले आत्मकथा लेख्न सुरु गरेको थिएँ ।’ तर, उनले थपे, ‘मेरो श्रीमतीलाई क्यान्सर भएपछि म उनको उपचारका लागि बैङ्कक, इन्डिया कता कता जानुपर्यो । फेरि त्यस्तो बेला लेख्ने मुड पनि हुँदैनथ्यो । तैपनि कहिलेकाहीँ श्रीमतीले अलि आराम महसुस गरेको बेला लेख्थें । फेरि पार्किन्सन्स  रोग लागेपछि त झन् लेख्दा हात काम्ने हुनाले लेख्न धेरै समय लाग्यो ।’

पत्रकार सम्मेलनमा बोल्दै महका अर्का सदस्य हरिवंश आचार्यले भनें, ‘सबै मानिसको आत्मकथा हुन्छ । कसैले लैख्छन्, अरु धेरैले लेख्दैनन् । म खुसी छु, मदन दाइको पनि आत्मकथा आउन लागेको छ । यो मेरो पनि आत्मकथा हो, त्यसैले मलाई मेरै आत्मकथा आउन लागेझैं महसुस भइरहेको छ ।’

फाइनप्रिन्टका नीरज भारीले भने, ‘चार वर्ष अघि हामीले हरिवशं दाइको “चिना हराएको मान्छे” प्रकाशन गर्ने सौभाग्य प्राप्त गरेका थियौं । आज उहाँकै कलाकारिताका सहयात्री आदरणीय मदनकृष्ण श्रेष्ठ दाइको आत्मकथा पनि हामीले नै प्रकाशन गर्न पाउँदा म साह्रै हर्षित भएको छु ।’ उनले श्रेष्ठ र उनकी श्रीमनी यशोदाको ४४औं विवाह वार्षिकी पारेर पुस्तक सार्वजनिक गर्न लागेको पनि बताए ।

आत्मकथा लगभग एक लाख पाँच हजार शब्दको छ ।


(२०७४ असार २९, बिहीबार) ०९:०६ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना