नेपालीभाषीको छातीमा ताकेर गोलीः २ को मृत्यु, १२ घाइते

संबाददाता : ओम हमाल     प्रकाशित मिति: (२०७४ असार २४, शनिबार) १३:१०

पश्‍चम बंगाल सरकारले नेपालीभाषीमाथि फेरि गोली चलाएको छ । निर्दोष एक स्थानीय युवालाई सीआरपीएफले दार्जिलिङ सोनादामा शुक्रबार राति गोली हानेको हो । सुरक्षाकर्मीको गोलीबाट गोर्खा राष्ट्रिय मुक्ति मोर्चाका स्थानीय युवा टासी भुटियाको मृत्यु भएको हो । उनी बिरामी भाइलाई औषधि किन्‍न बजार जाँदै गरेका थिए ।

सीआरपीएफले निहत्था युवाको हत्या गरेको गोर्खा राष्ट्रिय मुक्ति मोर्चाका नेता निरज जिम्वाले बताएका छन् । भुटियाको हत्याको घटनाले शनिबार दिनभर दार्जिलिङ, कालिम्पोङ, खरसाङ र मिरिक क्षेत्रमा अान्‍दोलनकारी र सुरक्षाकर्मीबीच झडप भएको छ । शनिबार भएको झडपको क्रममा तुङसुङ निवासी ३७ वर्षीय सुरज सुन्दासको मृत्यु भएको छ । सुरक्षाकर्मीको फायरिङवाट १२ जना भन्दा बढी घाइते छन् ।


(२०७४ असार २४, शनिबार) १३:१० मा प्रकाशित

Exchange Rate

Nepali Patro