मेलम्ची खानोपानी खाल्डो खन्ने क्रममा ढिस्कोले पुरिएर तीन मजदुरको मृत्यु

संबाददाता : ओम हमाल     प्रकाशित मिति: (२०७४ जेष्ठ ३१, बुधबार) ०४:०३

काठमाडौं/  मेलम्चीको खानोपानी पाईप राख्न खाल्डो खन्ने क्रममा पुरिएर सितापाइला चोकमा तीन मजदुरको मृत्यु भएको छ ।

बुधबार बिहान पौने २ बजेर डिआई पाइप राख्ने खाल्डो खन्दै गरेका मजुदरहरुको ढिस्कोले पुरिएर ज्यान गएको काठमाडौं महानगरीय प्रहरी वृत्त स्वयम्भूले जनाएको छ । मृतकहरुमा सप्तरीका १७ वर्षीय सन्तोष दास, १७ वर्षकै श्यामसुन्दर राम र पर्वतका ४७ वर्षीय प्रसाद केसी रहेका छन् ।

उनीहरुको शव पोस्टमार्टमका लागि शिक्षण अस्पताल महाराजगन्ज पठाइएको छ । घटनाबारे जाँचबुझ गर्न प्रहरीले पाइप बिछ्याउने कार्यको ठेक्का लिएका प्रद्युन्न मान चित्रकारलाई नियन्त्रणमा राखिएको छ ।


(२०७४ जेष्ठ ३१, बुधबार) ०४:०३ मा प्रकाशित

Exchange Rate

Nepali Patro