अर्जेन्टिनाले ब्राजिललाई हरायो (हेर्नुस हाईलाइट भिडीयो)

संबाददाता : ओम हमाल     प्रकाशित मिति: (२०७४ जेष्ठ २७, शनिबार) ०३:००

पोखरा/  मेलबर्नमा शुक्रबार भएको अन्तर्राष्ट्रिय मैत्रिपुर्ण खेलमा अर्जेन्टिनाले चिरपरिचित प्रतिद्वन्दी ब्राजिललाई हराएको छ ।

अर्जेन्टिनाले ब्राजिललाई १–० ले पराजित गरेको हो । अर्जेन्टिनाका ग्याब्रियल मेरकाडोले खेलले एक मात्र गोल गरी अर्जेन्टिनालाई जित दिलाए । ब्राजिलका स्ट्राइकर नेयमारबिना मैदान उत्रिएको ब्राजिलले राम्रो प्रदर्शन गरे पनि गोल गर्न चुक्यो ।

बार्सिलोना स्ट्राइकर तथा अर्जेन्टिनी खेलाडी लियोनल मेसी, एन्जल डि मारिया, गोन्जालो, पाउलो ड्यावाला पहिलो हाफमै मैदान उत्रिएका थिए । ब्राजिलको तर्फबाट भने ग्यार्बियल जिसस, विलियम र फिलिप काउटिन्हो मैदानमा देखिएका थिए ।

विश्वकप छनोटको तयारीमा रहेका दुवै टोली मैत्रिपुर्ण खेल खेलेका हुन् । ब्राजिलले आगामी मंगलबार अष्ट्रेलियासँग मैत्रिपूर्ण खेल खेल्नेछ । ब्राजिलमाथि जित गरेपछि अर्जेन्टिनी प्राशिक्षक जर्ज सामपाओलीका लागि सुखद सुरुवात रहेको छ ।


(२०७४ जेष्ठ २७, शनिबार) ०३:०० मा प्रकाशित

Exchange Rate

Nepali Patro