बन्दको अवज्ञा गरेको भन्दै विप्लवका कार्यकर्ताले जलाए, साझा बस र ई-रिक्सा

संबाददाता : ओम हमाल     प्रकाशित मिति: (२०७३ फाल्गुन २८, शनिबार) ०९:२९

शनिबार  दिउँसो साझा यातायातको यात्रु बसमा आगजनी भएको छ । विप्लव माओवादीका कार्यकर्ताले बालाजुको बाइपासमा यात्रु बसमा आजगनी गरेका हुन् । बा ४ ख ५६४८को बसमा रहेका यात्रुलाई ओरालेर आगो लगाइएको साझा यातायातका निमित्त प्रमुख कार्यकारी कार्यकारी अधिकृत महेन्दराज पाण्डेयले बताए । आगलागीबाट बसको भित्री भाग जलेर क्षतिग्रस्त भएको छ ।

प्रत्यक्षदर्शीका अनुसार खुकुरी र अन्य हतियारसहित आएको समूहले पेट्रोल छर्किएर आगजनी गरेको हो । नयाँबसपार्क-एयरपोर्ट रुटमा चल्ने बसमा आगजनी गरेलगत्तै सो समूह फरार भएका छ । कञ्चनपुर घटनाको बिरोधमा आज बन्द आह्वान भएपनि बिहानैदेखि साझा बसले यात्रु सेवा दिइरहेको थियो ।

बालाजुमा बस रोकेर सुरक्षाकर्मी, चालक र सह-चालक खाना खानका लागि गएका बेला बिप्लबका कार्यकर्ताले आगजनी गरेका पाण्डेयले बताए । ‘हामीले कसैको पक्ष र विपक्षमा बस चलाएका होइनौं’ पाण्डेले भने-सबै दिनमा यात्रुलाई सेवा दिने पवित्र उद्देश्यले बस चलेका हुन् । तर, किन साझालाई निशाना बनाइएको भन्ने बुझेनौं । यो घटनाको हामी निन्दा गर्छौं ।’

यसैबीच प्राप्त जानकारी अनुसार, बन्दको अवज्ञा गरेको भन्दै विप्लवका कार्यकर्ताहरुले एक ई-रिक्सालाई आगो लगाएर क्षतिग्रस्त बनाएका छन् ।


(२०७३ फाल्गुन २८, शनिबार) ०९:२९ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना