टाइट ट्राउजर लगाउँदा ७५ छात्रा स्कूलबाट फिर्ता

संबाददाता : ओम हमाल     प्रकाशित मिति: (२०७३ फाल्गुन २०, शुक्रबार) २३:३८

एकदमै टाइट ट्राउजर लगाएको आरोपमा एउटा स्कुलले ७५ जना छात्राहरुलाई घर फर्काएको छ । छात्राहरुले कसिलो ट्राउजर लगाउँदा छात्रहरु रोमाञ्चित भएको र पढाईमा ध्यान केन्दि्रत गर्न नसकेको विद्यालयको दावी छ ।

 

बेलायतको वेस्ट मिडल्यान्ड्सस्थित सोलीहुलमा रहेको सिमथ वुड स्पोर्ट्स कलेजका छात्राहरुलाई विद्यालयको गाइडलाइन तोड्ने गरी पोशाक लगाएको आरोपमा घर फर्काइएको हो । उनीहरुलाई खुकुलो ट्राउजर लगाएर मात्र विद्यालय आउन भनिएको थियो ।

विद्यालयबाट लज्जित बनाइएका आफ्ना छोरीहरु रुँदै घर आएको अभिभावकहरुले बताएका छन् । उनीहरुले विद्यालयको यस्तो कदमको कडा आलोचना गरेका छन् ।

घर फर्काइएकी छात्रा किली हड्सनकी आमा हेइलीले आफ्नी छोरीले ४ वर्षदेखि उस्तै ट्राउजर लगाइरहेको बताइन् । उनले भनिन्, ‘म आफैं छोरीलाई टाइट ट्राउजर लगाउन रोक्छु, किनकी यो स्कुल हो फेसन परेड होइन ।’

अर्की आक्रोशित आमा जोडी प्याटिन्सले भनिन्, ‘मेरी छोरीले लगाएको ट्राउजर लेगिन्ज होइन, न त यो सस्तो खालको नै हो । मैले १६ पाउन्डका दरले तीन जोडी किनेकी थिएँ ।’ छात्रहरुलाई भने जस्तोसुकै पोशाक लगाएर आउन अनुमति दिइएको उनले बताइन् ।

विद्यालयका पि्रन्सिपल काटी क्रेगले अभिभावकहरुलाई पूर्वसुचना दिएर नै यस्तो कदम चालेको बताए । क्रेगका अनुसार स्कुलले आफ्नो वेवसाइटमा छात्राहरुले जेगिन्ज, लेगिन्ज र कसिला ट्राउजर लगाउन नपाउने उल्लेख गरेको छ । यस विषयमा अभिभावकहरुलाई टेक्स्ट म्यासेज पनि पठाएको उनले बताए ।

विद्यालयको वेवसाइटमा छात्राहरुले घुँडासम्म आउने स्कर्ट वा खुकुलो खालको ट्राउजर लगाउनुपर्ने उल्लेख छ ।


(२०७३ फाल्गुन २०, शुक्रबार) २३:३८ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना