दीपिका र रणवीरको ब्रेकअप !

संबाददाता : ओम हमाल     प्रकाशित मिति: (२०७३ फाल्गुन १६, सोमबार) ०५:०६

के दीपिका पादुकोण र रणवीर सिंहबीचको प्रेम सम्वन्ध टुटेको हो ? बलिउडमा अचेल यस्तै लख काट्न थालिएको छ ।

हलिउड अभिनेता विन डिजलसँग दीपिका नजिकिएसँगै रणवीर उनीसँग रुष्ट भएको चर्चा केही समययता चल्दै आएको थियो । यही कारणले रणवीर र दीपिकाको ब्रेकअप नै हुन पुगेको चर्चा भारतीय मिडियामा गर्माएको छ ।

दीपिकाले आफ्नो पहिलो हलिउड फिल्म एक्सएक्सएक्स रिटर्न अफ जेन्डर केजमा हलिउड स्टार विन डीजलको जोडी भएर काम गरेकी थिइन् । सो फिल्मको प्रमोसनका लागि उनले डिजललाई भारतमै ल्याइन् । यही क्रममा यी दुईबीच अफेयर सुरु भएको हल्ला चलेको थियो । एउटा अन्तरवार्तामा त दीपिकाले डिजलको बच्चाको आमा बन्ने चाहनासम्म व्यक्त गर्न भ्याएकी थिइन् ।

डिजलसँग दीपिकाको बढ्दो सामिप्यताकै कारणले रणवीर उनीसँग टाढिएको समाचार छ । हालै अभिनेता शाहिद कपूरको प्री बर्थडे पार्टीमा दीपिका र रणवीर दुवै पुगेका थिए, तर अलगअलग । उनीहरु अलग-अलग पार्टीमा आए र अलग-अलग निस्किए । उनीहरुबीच सामान्य औपचारिकता बाहेक कुनै अतिरिक्त निकटता देखिएन ।

हालै एउटा टेलिभिजन कार्यक्रममा दीपिकालाई रणवीरसँगको ब्रेकअपका विषयमा प्रश्न सोधिएको थियो । सो प्रश्नमा उनले प्रष्ट जवाफ दिइनन् । उनले गोलमटोलरुपमा भनिन्, ‘तपाईं नै भन्नुस म के जवाफ दिउँ । तपाईं जे भन्नुहुन्छ म त्यही स्वीकार्छु ।’

दीपिकाको यस्तो जवाफबाट पनि झल्किन्छ कि ब्रेकअपको हल्ला पूर्णरुपमा निराधार होइन । फेरि लामै समयदेखि उनीहरु एकैसाथ देखिएका पनि छैनन् ।


(२०७३ फाल्गुन १६, सोमबार) ०५:०६ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना