माओवादीमा एकै पटक हुँदैछ एउटा फुट र एउटा जुट

संबाददाता : ओम हमाल     प्रकाशित मिति: (२०७३ बैशाख १७, शुक्रबार) १५:४३

कम्युनिष्ट पार्टी ईंतिहासमा दूर्लभै हुने घटना माओवादी आन्दोलनभित्र देखिन थालेको छ । यो आन्दोलनभित्र एकै पटक एउटा फुट र एउटा जुट हुन थालेको छ । वैद्य माओवादीका एक केन्द्रीय सदस्यको टिप्पणी थियो, ‘एकताको कुरा गर्दागर्दै अर्को विभाजन हुने भयो । शुक्रवार बसेको एकीकृत माओवादीको स्थायी समिति वैठकले यो आन्दोलनभित्र एउटा फुट र एउटा जुटका लागि बाटो खोल्ने निर्णय लिएको छ । यस अघि प्रचण्डले सवै स्थायी समिति वैठकवीचको एकतामा जोड दिँदै आएका थिए ।

तर, शुक्रवार बसेको स्थायी समिति वैठकले मोहन वैद्य किरण नेतृत्वको सिंगो नेकपा क्रान्तिकारी माओवादीसँग एकताको सम्भावना नदेखेपछि महासचिव रामबहादुर थापा बादलसँग मात्र भएपनि एकता गर्ने निश्कर्ष निकालेको छ ।

माओवादी एकताका लागि पहल गर्ने एमाओवादीको निर्णय

शुक्रवारको स्थायी समिति वैठकपछि ललितपुरमा भएको एक कार्यक्रममा बोल्दै एकीकृत माओवादीका उपाध्यक्ष नारायणकाजी श्रेष्ठले बादलसँग मात्र एकता हुने बताएका छन् । योसँगै माओवादी आन्दोलनमा एउटा फुट र एउटा जुटको बाटो खुलेको हो ।

यसरी हुनेछ फुट र जुट एकैपटक

वैद्य नेतृत्वको पार्टीभित्र एकीकृत माओवादीसँग एकता गर्ने विषयमा फरक–फरक मत थिए । वैद्यले एकताका लागि बाटो रोकेको भन्दै बादलपक्षले एकीकृत माओवादीसँग एकताको कोर्स अगाडि बढाएको छ । यस्तो अबस्थामा बादल समूहले केही कदम चाल्दा वित्तिकै वैद्य माओवादी विभाजनको शिकार हुनेछ । यो माओवादी आन्दोलनको अर्को फुट हुनेछ ।

वैद्यसँग सम्बन्ध विच्छेदगरेपछि बादल समूहले भिन्दै पार्टी संरचना बनाउने छैन । यो समूह र एकीकृत माअ‍ोवादीवीच महाधिवेशन आयोजक समिति बन्ने छ । यसले माओवादी आन्दोलनभित्र एउटा एकता हुनेछ । वैद्यले पार्टी एकताको ढोका बन्द गरेको निश्कर्षसहित बादलले आफ्नो नेतृत्वमा एकताको कोर्स अगाडि बढाएका हुन ।

यस अघि वैद्यले जनवादी क्रान्ति छाड्ने र प्रतिक्रियावादी संविधान स्वीकार गर्ने गरि आफु एकतामा जान नसक्ने स्पष्ट पारेका थिए । एकीकृत माअ‍ोवादीले समाजवादी क्रान्तिको कार्यदिशा अगाडि सारेको छ भने अहिलेको संविधानलाई स्वीकार गरेको छ ।

गत चैत्र १२ देखि २२ गतेसम्म चलेको वैद्य माओवादीको केन्द्रीय समितिको वैठकमा एकताका विषयमा फरक–फरक मत आएका थिए । एकताको पक्षमा मत बलियो देखिएपछि वैद्यले एक महिनाका लागि वैठक स्थगित गरेका थिए । राजनीतिक–वैचारिक कुरा नटुंगाई एकता गर्न नसकिने वैद्यको मत छ ।

वैद्य समूह एकता प्रक्रिया नआए संक्रमणकालीन राजनीतिक–वैचारिक र सांगठनिक योजना बनाएर एकता प्रक्रिया अगाडि बढाउने बादल समूहको तयारी छ । मजदुर दिवसका दिन अर्थात बैशाख १९ सम्म एकता प्रक्रियाका विषयमा ठोस निर्णय लिने र त्यसै दिन केही सन्देश दिने तयारी छ ।

बादलको समूहले एकताका लागि अगाडि बढने निर्णय लियो भने वैद्य माओवादी पुन विभाजनको शिकार हुनेछ । यस अघि नेत्रविक्रम चन्द विप्लवले वैद्यसँग सम्बन्ध विच्छेद गरेका थिए । तर, अहिले उनले प्रचण्डसँग एकता नगर्न वैद्यलाई सुझाव र दवाव दिएको स्रोतको दावी छ । बादलले आन्तरिक एकता र समग्र माओवादी एकताका विषयमा १४ बुँदे नयाँ प्रस्तावसहित हस्ताक्षर अभियान शुरु गरेपछि वैद्यमाथि दवाव परेको थियो ।\


(२०७३ बैशाख १७, शुक्रबार) १५:४३ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना