नेपालीबाटै जबरजस्ती रकम असुल गर्ने नेपाली गिरोह मलेशियामा पक्राउ

संबाददाता : ओम हमाल     प्रकाशित मिति: (२०७३ फाल्गुन ६, शुक्रबार) ०९:२१

मलेसियन प्रहरीले एक नेपाली गिरोहलाई पक्राउ गरेको छ ।

नेपालीबाटै जबरजस्ती रकम असुलेको आरोपमा ११ जना पक्राउ परेका हुन् ।

जबरजस्ती पैसा असुली र डकैतीमा संलग्न भएको आरोपमा उनीहरुलाई पक्राउ गरेको हो । पक्राउ परेका मध्ये दुई जना महिला समेत रहेका छन् । २२ वर्षदेखि ३६ वर्षको उमेरबीचका सबै आरोपीहरु बुधबार जुरु र तामान पेरविरामा छापा मार्दा पक्राउ परेका मलेसियाको सेबेराङ पेराइ तेन्गाहका प्रहरी प्रमुख एसीपी निक रोस अजहान निक अब्दुल हामिदले जानकारी दिए ।

‘पेनाङ योङ स्टार ग्याङ’ को नामले परिचित यो गिरोहले एक वर्षयता आफ्नै देशका नेपालीहरुबाट मासिक २५ रिङ्गेटका दरले ‘सुरक्षा शुल्क’ असुल गर्दै आएको अनुसन्धानबाट खुलेको छ ।

‘सबै आरोपीहरुको शरीरमा थुप्रै टाटु थिए, त्यसमा पनि एउटा विशेषखालको साझा टाटु थियो, जसले उक्त गिरोहको सदस्य भनेर पहिचान गर्न सकिन्थ्यो । गिरोहले आफ्ना सदस्यहरुका लागि विशेष समारोह आयोजना गर्ने गथ्र्यो र छापा मारिएको एउटा घर नयाँ सदस्यहरुलाई भर्ति गर्ने स्थान थियो,’ उनले भने ।

छापा मारेपछि प्रहरीले खुकुरी, नेपाली झण्डा, व्वाँसोको टाउको भएको मुर्ति, सांगीतिक उपकरण बरामद गरेको हामिदले जानकारी दिएका छन् । उनीहरु कसैसँग पनि यात्राको वैध कागजात नभएको उनको भनाइ छ ।


(२०७३ फाल्गुन ६, शुक्रबार) ०९:२१ मा प्रकाशित

°
Weather from OpenWeatherMap

मुख्य समाचार

सबै

नेकपा परित्याग गरि आधा दर्जन भन्दा बढी बिप्लप नेकपामा प्रबेस स्वागत गर्दै जिल्ला सेक्रेटरी रणदिप

  नेकपा कालिकोटले बर्तमान परिस्थिती र एकिकृत जनक्रान्ती बिषयक अन्तरक्रिया कार्यक्रम सम्पन्न गरेको छ  उक्त कार्यक्रममा कामरेड किरण को सभापतित्व र प्रमुख अतिथी जिल्ला सेक्रेटरी कामरेड रणदिप को.....

मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली नेपाल पुगे

  मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली सेक्युरिटी गार्ड प्रारम्भिक अनुशन्धन पश्चात रिहा भएका छन । सेप्टेम्बर १ तारीख मलेसिया स्थित.....

मलेसिया स्थित नेपाली राजदुतवासद्वारा आयोजित २०७६ संविधान दिवस सप्पन्न

    नेपाली राजदुतावास मलेसियाले क्वालालम्पुर स्थित Hotel renaissance स्थित एक कार्यक्रम आयोजना गरि संविधान दिवस मनाएको छ। उक्त कार्यक्रममा संवोधन गर्दै महामहिम उदय राज पाण्डेले नेपाली हरुको.....

Exchange Rate

Nepali Patro