नीशाले गर्नेछिन् २ नायकसँग रोमान्स

संबाददाता : मोनिका गुरुङ     प्रकाशित मिति: (२०७३ फाल्गुन ४, बुधबार) २२:३०

चलचित्र ‘रंगीन’को घोषणा भएको छ । जेठबाट छायांकनमा जाने चलचित्रको घोषणा गर्दै निर्देशकको खोजी गरिएको छ । निर्देशक वाहेक अन्य सबै यूनिट तय भैसकेका छन् । एक कुशल निर्देेशकलाई निर्देशनमा अवसर दिने योजना यसको निर्माणपक्षको छ । अफस्ट्रयाक लभ स्टोरी कथामा बन्ने यो चलचित्रमा नायिका नीशा अधिकारी मुख्य भूमिकामा छिन् । उनको साथमा नवराज श्रेष्ठ र बाबु भण्डारीले लीड कलाकारको रुपमा चलचित्रमा काम गर्नेछन् ।

किरण माइकलको कथामा बन्न लागेको यो चलचित्रको निर्देशन गर्न चाहनेले ३ महिना भित्रमा सम्पर्क गरिसक्नुपर्नेछ । निर्देशक पक्का भैसकेपछि आपसी सहमतीमा कथा हेरफेर गर्न सकिने निर्माता सुवास थापाले जानकारी दिएका छन् । चलचित्रमा ताराप्रकाश लिम्बुको संगीत, शिव वीको नृत्य निर्देशन रहनेछ ।

विनोद कुमार सिंह र सुवा सलामाले मिलेर चलचित्रमा लगानी गर्न लागेका हुन् । निर्देशकको हकमा नयाँ र पुराना नभनिने र ‘रंगीन’लाई न्याय गर्न सक्ने निर्देशक चयन गरिने निर्माणपक्षको भनाई छ ।


(२०७३ फाल्गुन ४, बुधबार) २२:३० मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना