दाजुभाईले मोर्चा सम्हाले दुईतिर

संबाददाता : मोनिका गुरुङ     प्रकाशित मिति: (२०७३ फाल्गुन ४, बुधबार) ०३:०३

प्रहरी प्रमुख नियुक्तिमा सरकारले झमेलापूर्ण निर्णय गरेको लाभचाहिँ कालाकोटेले राम्रैसँग लिने भएछन् । अरु त अचम्म भएन तर एउटै ल फर्म र एउटै आमाका सन्तानसमेत पक्ष विपक्षमा बाँडिएर बहस गर्ने तयारीचाहिँ रोमान्चक नै देखिन्छ ।

जनआस्था साप्ताहिकमा खबर छ– संविधानविद् डा. भिमार्जुन आचार्य र भाई सुवासले जयबहादुर चन्दको पक्षबाट तर्क वितर्क गर्ने भएका छन् ।

चन्दका अरु वकिलमा महादेव यादव, सुशील पन्त, बसन्तराम भण्डारी, पूर्णमान शाक्य, सतिशकृष्ण खरेल, यदुनाथ खनाल, सुनील पोखरेल, दीनमणि पोखरेल, बार महासचिव खम्बबहादुर खाती र हरि उप्रेती छन् ।

नवराजको तर्फबाट चाहिँ बद्रीबहादुर कार्की, टीकाराम भट्टराई, शम्भु थापा, बाबुराम कुँवर, हरि फुँयाल, गोविन्द बन्दी र तुल्सी भट्ट भिड्दैछन् ।

यो सार्वजनिक सरोकारअन्तर्गत दर्ता भएको मुद्दा (पिआइएल) हुनाले ‘स्टे अर्डर’ दिन मिल्दैन भन्दै जयबहादुरतर्फका वकिलले पैरवी गर्ने योजना बनाएका छन् । यसअघि कल्याण श्रेष्ठ र तर्कराज भट्टको संयुक्त इजलासले सुनीलरञ्जन सिंहद्वारा दायर यस्तै बढुवासम्बन्धी मुद्दामा दिएको फैसलालाई आधार बनाउने तयारी गरेका हुन् ।

नेपाल कानुन पत्रिका, २०६९ सालको अंक १२ मा प्रकाशित डिभिजन बेञ्चको सो फैसलालार्य सुशीला कार्कीको एकल इजलासले काटेकोमा उनीहर खनिन लागेको बताइन्छ । त्यसबाहेक मर्का पर्ने मान्छे पो मलाई अन्याय भयो भन्दै न्यायालय पुग्नुपर्ने ! तर, यहाँ त एउटा वकिलले यस्ता विषयमा निर्णय गर्दा बाहिरबाट हस्तक्षेप नहोस् भन्ने अपेक्षा मात्र राखेका हुन् ।

त्यसैले मागदाबी र फैसलाबीच तालमेल भएन भन्दैछन् जयबहादुर पक्षधर । उनीहरुको अर्को जिकिर के छ भने पासिङ आउट हँदा प्रकाश अर्याल १ नम्बर थिए । अहिले आइजी बनाउन सरकारले रोजेका जयबहादुर ९ नम्बरमा थिए ।

बमबहादुर भण्डारीको रोलक्रम १४ थियो भने नवराज ६७ नम्बरमा थिए । यो ०४४ साल चैत २९ मा नियुक्त हुँदाको वरीयताक्रम हो ।


(२०७३ फाल्गुन ४, बुधबार) ०३:०३ मा प्रकाशित

मुख्य समाचार

सबै

पोखराका पत्रकारहरु माथिको प्रहरी आतंक बन्द गर : ओम हमाल

पोखरामा डन पत्रकार भनेर चिनिने पत्रकार राजेन्द्र अधिकारी उपनिर्वाचनको मुखदेखि अचानक फेसबुक र मोबाइल बन्द गरेर लापत्ता भए। उनी किन गुमनाम भए सबैको चासोको बिषय थियो।  तर कोही कसैलाई यस बारेमा गुत्थी कुरो.....

विवादित हिन्द प्रशान्त रणनीतिलाई सहयोग गर्न अमेरिकाको आग्रह, नेपाल सकारात्मक रहेको उपप्रधानमन्त्री पोख्रेलको भनाई

नेपालमा ब्यापक बिरोध भैरहेको अमेरिकाको हिन्द प्रशान्त रणनीतिप्रति सकारात्मक बनिदिन अमेरिकाले नेपाललाई आग्रह गरेको छ। एशिया प्रशान्त क्षेत्रका लागि सुरक्षा मामिलासम्बन्धी अमेरिकी.....

न्यायाधिश हुन न्याय परिषदबाट बैदिकको राजिनामा, बार एशोसिएशनको आपत्ति

सर्बोच्च अदालतको न्यायाधिश बन्न न्यायपरिषदका सदस्य पदमप्रसाद वैदिकले राष्ट्रपति समक्ष राजीनामा बुझाएका छन् । एक वर्ष कार्यकाल बाँकी रहँदै वैदिकले बुधबार राष्ट्रपति कार्यालयमा.....

Exchange Rate

Nepali Patro