एयर मार्सल राख्न दिने प्रचण्ड सरकारको निर्णयबिरुद्ध विप्लव माओवादीले प्रदर्शन गर्दै

संबाददाता : ओम हमाल     प्रकाशित मिति: (२०७३ माघ १६, आईतवार) ०३:००

काठमाडौं, १६ माघ ।

नेपाल कम्युनिस्ट पार्टी (माओवादी)ले आइतबार काठमाडौंमा प्रचण्ड नेतृत्वको सरकारबिरुद्ध प्रदर्शन गर्दै छ ।

त्रिभुवन अन्तराष्ट्रिय विमानस्थलमा भारतीय हवाई सुरक्षा बल (एयरमार्सल) लाई बस्ने स्वीकृती दिएर पुष्पकमल दाहाल ‘प्रचण्ड’ले राष्ट्रघात गरेको आरोप लगाउदै आएको नेकपा (माओवादी) ले विरोध प्रदर्शन गर्न लागेको हो ।

दिउसो ३ बजे शान्तिवाटिका सुरु हुने बिरोध र्याली रत्नपार्क, शहीदगेट, सुन्धारा, जमल हुदै पुनः शान्तिवाटिकामै आएर कोणसभामा परिणत हुने युवा जनस्वयमसेवकका अध्यक्ष झक बाहदुर मल्ल ‘ सुदिप’ ले बताए । उक्त कार्यक्रमलाई पार्टीका केन्द्रीय नेताहरुले सम्बोधन गर्ने उनले जानकारी दिए ।

यसअघि गत मंगलबार एक विज्ञप्ति सार्वजनिक गर्दै नेकपा (माओवादी) का महासचिव नेत्रविक्रम चन्द ‘विप्लव’ले पुस ५ गते नेपाल र भारतका पर्यटन तथा नागरिक उड्यन अधिकारीबीच हवाई ट्राफिक तथा नयाँ रुटबारेको दुई दिने बैठकले विमानस्थलमा एयरमार्सल बस्ने निर्णय गर्दा सरकार चुपचाप बसेको भन्दै बिरोध गरेका थिए ।


(२०७३ माघ १६, आईतवार) ०३:०० मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना