पूर्व कप्तान प्रशिक्षकका रुपमा फर्किंदै

संबाददाता : ओम हमाल     प्रकाशित मिति: (२०७३ माघ ८, शनिबार) ०२:०२

काठमाडाैं, ८ माघ ।

लिभरपुल तथा इंग्ल्याण्डका पूर्व कप्तान स्टिभन जेरार्ड प्रिमियर लिग क्लब लिभरपुलमा फर्किने भएका छन् । जेरार्ड लिभरपुलको युथ टिमको प्रशिक्षकका रुपमा क्लब फर्किन लागेका हुन् ।

३६ वर्षका जेरार्डले सन् १९९८ देखि २०१५ सम्म लिभरपुलबाट सात सय १० खेल खेलेका थिए । उनले क्लबलाई ९ वटा उपाधि दिलाए । जेरार्ड सन् २०१४–१५ को सिजनको अन्तिममा अमेरिकी एमएलएस क्लब एलए ग्यालेक्सीमा गएका थिए र उनले गएको नोभेम्बरमा सन्यासको घोषणा गरेका थिए ।

लिभरपुलसँग जेरार्डले अहिले युथ टिमको प्रशिक्षकको रुपमा सम्झौता गरेका छन् । यो सम्झौता भावनाका आधारमा नभई क्षमताका आधारमा गरिएको क्लब र जेरार्ड दुवैले बताएका छन् । जेरार्डले एक सय १४ खेलमा इंग्ल्याण्डको कप्तानी गरेका थिए ।


(२०७३ माघ ८, शनिबार) ०२:०२ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना