भुकम्प पिडीको राहतमा दल र वडा नागरीक मञ्चको हाली मुहाली, निगरानी गर्ने निकाय रमिता हेर्दै

संबाददाता : ओम हमाल     प्रकाशित मिति: (२०७२ चैत्र २, मंगलवार) २३:४०

नेपालमा भुकम्प गएको झण्डै वर्ष दिन पुगीसकेको छ । पर्वतमा पनि १३ सय घरधुरी पुर्ण क्षतीको रहेको प्रशासनको तथ्याङ्कमा उल्लेख छ । पिडीतलाई तत्काल राहत सुविधा दिलाउन र वसोवासको व्यवस्थापन गर्न कार्यलयले ७ महिना पहिला गाविस सचिव मार्फत राहत वितरण गर्न थालेको हो । तर वितरण प्रकृया र वास्तवीक पिडीतको पहीचानमा कार्यलय चासो नदेखाउँदा राहत रकमको दुरुपयोग हुँदै आएको छ । पर्वतमा वास्तविक पिडीतको पहिचान नै नगरी दलिय भागवण्डामा रकम वितरण हुन थालेका प्रमाणहरु फेला परेका छन् । वैशाख १२ र २९ गते आएको महाविनासकारी भुकम्पबाट घरवार गुमाएका पर्वतका पिडीतहरुले अझै राहत पाउन सकेका छैनन ।

सरकारले तत्काल वितरण गराउने भनिएको राहत भुकम्प आएको वर्ष दिन पुग्दा समेत आफुहरुले पाउन नसकेको पिडीतहरुले बताएका छन् । जिल्लाको देउराली गाविस र शंकरपोखरी गाविसमा भुकम्पको राहतमा स्थानीय राजनिती दलहरुले हालीमुहाली बढेपछि पिडतहरुले राहत पाउन नसकेका हुन । दलहरुकै कारण वास्तवीक पिडीतको समस्या समाधान नभएको गाविसवासीले बताएका छन् ।

देउराली गाविसमा एउटै घरका नामा दुइ जनाले राहत सुविधा लिएको प्रमाण फेला परेको छ । देउराली गाविस ७ का प्रमानन्द चापागाईका वावु छोराले एउटै घरको कागजात मिलाएर छुटटा छुटटै राहत सुविधा लिएको स्थानीय खेम शर्माले आरोप छ । छोरा गुरदत्त शर्मा र प्रमाहनन्द चापागाईले यस्तो सुविधा लिएकोमा स्थानीयहरुले बिरोध गर्दै आएका छन् ।

वास्तवीक पिडीतको पहिचान नै नगरी वडा नागरीक मञ्चका पदाधिकारीहरु र गाविस सचिवको मिलेमोतोमा पिडीत नाममा आएको राहत वितरण भएको शर्माको आरोप छ । १८ घरधुरी पुर्ण क्षती भएको देउराली गाविसमा ९६ घरधुरीमा आँशिंक क्षती पुगेको गाविसको तथ्याङ्क छ । गाविसका अुनसार एउटै घरमा छुटीएर बसेका वसेका वावु छोरा भएका कारण निर्देशीका भन्दा पनि व्यवहारीकता हेरेर वितरण गर्दा यस्तो हुन पुगेको हो । गाविस सचिव चित्रबहादुर महतराले लाजपुर्जा भन्दा पनि वावुछोरा छुटिएको वर्षौ भएका कारण छुटटा छुटटै राहत वितरण गरीएको बताए । निर्देशीकामा व्यवहारीकता नहेरेका कारण पिडीतको समस्या हेरेर रात बाँडीएको महतराको भनाई छ ।

त्यसैगरी कुश्मा नगरपालीकाका केही वार्डमा पनि दलिय भागबन्डाकै कारण बासतविक पिडितहरुले राहत पाउन सकेका छैनन् । कुश्मा १७ शेराका आनन्द पौडेलको २ बर्ष अगाडी बनाएको घर पुर्ण रुपमा ध्वस्त हुँदा समेत उनी कुनै दलको नभएको कारण राहत पाउन सकेनन् । जिल्ला प्रशासन कार्यलय पर्वतबाट गत असोजको पहीलो साता पिडीतलाई तत्काल राहत पु¥याउने उद्धेश्यले जिल्ला भरका सचिवहरुलाई राहत रकम वितरण गर्न निर्देशन दिएको थियो । वितरण प्रकृयाको बारेमा भने प्रशासनले अहिले सम्म कुनै जानकारी बाहीर ल्याएको छैन । रकम वितरण प्रशासनले देखाएको उदाशिन्ताको मौका छोपी दलहरुले पिडीतको रकममा हालुमुहाली गरेको गाविसवासीहरुले गुनासो रहेको छ ।

पुर्ण क्षतीलाई तात्काल १५ हजार आँशिक क्षतीलाई तीन हजारका दरले वितरण गर्ने भनिएको रकममा दल र वडा नागरीक मञ्चका पदाधिकारीहरुले आँफुुखुसी वितरण गरेको भुकम्प पिडीतहरुले बताएका हुन । सचिवहरुलाई रकम थमाएको प्रशासनले यस्ता विषयमा निग्रानी बढाउन अझै सकेको छैन । न त राहत वितरण प्रकृयाको वारेमा प्रकासमा ल्याउन सकेको हो । नियमन गर्ने निकायको मौनता हेरेर स्थानीय सचिव कार्यक्रताहरुले रकमको दुरुपयोग गर्दै आएको सरोकारवालाहरुले बताएका छन् ।


(२०७२ चैत्र २, मंगलवार) २३:४० मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना